गढवाली कविता | Garhwali Poem's
जब बि तेरी खुद मिथे आंदि,
मेरी आख्यू मा य बसग्याल लांदी॥
न जाने कख हरचि छे तु,
मिथे छोडि कि।
तेरु बिना मेरु ज्यू नि लगदु
ब्यालि याद आणा छा,
उ स्कूला का दिन।
जो दिनो मेरी माया कु,
कुछ मोल नि समझि तिंन॥
मेरी माया अब त पछ्याण
तु सौन्जण्या,
मेरी आख्यू का बसग्याल ते
अब त जाण सौंजण्या॥
मि त तेरु छाइ और छो सदानि।
तु आज त मेरी माया जाणि॥
जणदू छो कि तेरी माया
मिखिणि नि च।
पर मेरु मन ब्वनु अगर इन च त,
यु क्याच तुम दुयु का बीच॥
मेरी सौंजण्या।
एक बार त आजा
मेरी समलोण्या॥
एक बार त आजा
मेरी समलोण्या॥
तेरु बिना मेरु ज्यू नि लगदू
वापिस आजा तु दोडि की
वापिस आजा तु दोडि की............
लेखक: नीरज गोसाई
बीरोंखाल, पौडी गढवाल
©2016devbhumi-darshan
ati sundr yrr............
ReplyDelete